Baa ꞌLuuka ꞌcĩ ẽhẽẽd ꞌbuuk icci nẽ tarĩ ẽtẽhẽẽd ꞌbuuk cĩ Dtiicanĩ cĩg ꞌThooyyiahu buúk. Baa aitiõõ nẽ hõllõngaa ĩĩn ꞌJudeeinit, nẽẽthĩ, baa ĩĩn nẽẽ ꞌGiriihenit ꞌcĩ illimanĩ gẽrrẽẽt ꞌcĩ baa hikia hĩĩ nuyyioohit cĩ Krĩstõ. Baa õõkõr nẽẽ hĩ ꞌthooyyiahit ꞌPaaulo weetaa cĩnnĩ ĩĩcĩ allimanĩ nyeemuut ꞌcĩ abũnnaa cĩ Yeesu. ꞌBuuhaa ĩĩcĩ, aduha nẽẽ rũgẽt hĩ dtiic cĩ Yeesu ꞌgõõlaa ꞌcĩ iꞌthianaanĩ jurrung, hátĩ hagaacõ eeta ꞌcĩg hõllõngaa ĩĩn ꞌJudeei.
Aduha ꞌLuuka nyeemuut ꞌcĩ maka ꞌcĩ nga hudukia ꞌbuuhẽtĩĩ ũgẽẽgĩ, ꞌbuuhaa cĩ nyeemuꞌnya ꞌcĩg aattĩg hĩ ꞌtirriaanĩtĩ cĩ Yõaannẽ Batitta, hĩ ꞌtirriaanĩt cĩ Yeesu hĩ hĩdĩꞌthẽẽt cĩnnĩ, hĩ ꞌlimman cĩ Yõaannẽ Batitta. Ẽtẽrꞌtha tarĩ nẽẽ mĩnnan ꞌcĩ ammĩnanĩ Nyekuci eet vẽlẽk. Aduha Yeesu thooꞌthiok iccig ꞌgõõlaa ꞌcĩ ẽdtẽbanaanĩ dtẽẽllẽn ꞌcĩg awantoothĩk thõng, ꞌcĩg aattĩg hĩ dtẽẽllẽna cĩg Thamaritaanoc ꞌcĩ abũnnaa. Tigiil dhoorit 10, hĩ ngeertĩ eet ꞌcĩ ammanyanni, tigiil dhoorit 15, hĩ ngaatĩ arũmẽẽnĩ hĩ luttioohit cĩ occoro ꞌcĩ aaburreek eeta. Tigiil dhoorit 19, ngaatĩ ippotanẽẽkĩ rũgẽt ꞌcĩ aalla ũdũt ꞌloorriahit baa õdõõddĩ hĩ ĩnõõnnõ hõdẽĩ. Tigiil dhoorit 23.
Nẽ tarĩ, abbũũng ꞌLuuka tabattĩ mẽẽlĩg dtiic cĩ Lori cĩ Nyekuci rũgẽtaa hĩ dtiicaa cĩ Yeesu nẽ ẽtẽrẽtha ꞌgõõl ꞌcĩ baa gõõng alaiini Yeesu. Dtuurnattaa cĩ ꞌbuuk icci, aduha nẽẽ thooꞌthiok ꞌcĩg mẽẽlĩg baa ikia uppwaannak Yeesu nuyyiook cĩgĩnnĩg urutaa ꞌcĩ ũrũgaaĩ nẽẽ daahĩtha. Aduha thooꞌthioha cieeg vẽlẽk aĩ ĩko baa ũrũga Yeesu tarĩ nẽ õtõd ũũk hĩ Nyekuc hẽẽtahujjieen.
