ꞌGotoonoga hĩ ngoonoga, thooꞌthioha ꞌcĩg hatĩ õõ athiknu niig ko, ĩĩn thooꞌthiok ꞌcĩg aaddi gẽrrẽẽt ũdut ꞌcĩg hatĩ gõõng athiknu hõdõõkõthĩ rũgẽtaa cunuung. Ẽddẽẽbakeet thooꞌthioha cieeg hokori cĩ Nyekuci hĩcĩ eeto. Aattĩg ꞌthoouraꞌnya ꞌcĩg occa arũmoothĩk hĩ thooꞌthiok iccig, nẽẽthĩ nẽꞌthẽk aitiõõ hõllõngaa aaddi ngaatĩ occa haarĩkĩ. Má aarrihu, occa eelluung ngagiit ummuhuttooth thooꞌthiok ꞌcĩg athiknu niig ko. Occa abĩlĩ mõlõõhĩ ꞌcĩ athiknu niig ko kõr umwa, hátĩ ummuhit thooꞌthiok ꞌcĩg othooꞌthi ho. Hammuka naag haĩnna, occa athiknu thooꞌthiok iccig vẽlẽk kõr cĩ oou. Nẽ oboddiẽẽhĩ ĩthĩhĩt tarĩ, ibilli molook ꞌcĩ õthõõth ko hiriiri, hátĩ ummuhit thooꞌthiok ꞌcĩg athiknu niig ko jurrung.
Nyeemuut ꞌcĩ Abũnnaa-1 | Nyeemuut ꞌcĩ Abũnnaa-2 | Nyeemuut ꞌcĩ Abũnnaa MP4
